Ondo State University of Medical Science Starts in October

School for Ondo State University of Medical Science go start for October, 2015. Na Direct Entry the first set of students go use enter then for 2016, dem go use Unified Tertiary Matriculation Examination admit students into year 1.

Dr. Dayo Adeyanju, State Commission for Health, on Monday talk say dem don finalize arrangements for the institution to start classes for October, 2015. Him talk say Guvment don provide equipment for the school and say d students go use the Medical Village for Ondo as dem teaching hospital.

Adeyanju talk say dem dey fully prepared for kick off. Him talk say Direct Entry student go go straight to year 2 while UTME students wey dem go admit next year go go straight to year 1.

State Guvment sef talk say dem dey spend reach N2bn annually on all the Universities wey dey Ondo. Na 4 Universities dey so dt one come mean say the Universities dey get around N500m each. For dose of una wey no know, the four Universities wey dey Ondo be: Adekunle Ajasin University, Akungba Akoko, Ondo State University of Science and Technology, Okitipupa, Ondo State University of Medical Science, Ondo, and Rufus Giwa Polytechnic, Owo.

Ondo State Guvnment dey committed to promoting education for the State and Rufus Giwa Poly (RUGiPO) na the best State Poly for Nigeria and third for Africa.

Tuale for Ondo State Guvment for promoting education, but no be to dey start University left and right without equipment o. Wetin una think?

1971 total views, 1 today

Sponsored Links

Leave a Reply

You must be logged in to post a comment.